誰會看這些書……
是不是每一天都要弄到自己很忙才能有安全感？
矯枉過正了吧？


冷靜期過後，賤嘴的我們又回來了：

 W：「喂，你真係得星期五得閒？」
Z：「梗係啦！我好多人約架～～」
W：「咁啱？我都係喎！我仲好多人追添！喂你真係得星期五得呀？」
Z：「星期五個重點係，我叫埋我屋企人，你唔黎我咪俾返張單你囉…」
W：「咁又唔好，我早D講完要講果兩句散會，咪得囉…」
Z：「咁即係唔駛散啦……」
W：「乜你咁講嘢架？」
Z：「唔係點講呀？我有童年陰影…」
W：「咁要開會嘛！！」
Z：「淨係你有會開？我星期五晚要開會我都推咗啦！」
W：「咩會？？做咩推咗？」
Z：「約咗你先架嘛！咪推囉。」
＊　　　　＊　　　　＊　　　　＊　　　　＊　　　　＊
W：「我今日真係好衰……」
Z：「咩事呢？又其實……你有邊日唔係呢？」
W：「（無視上面那句）我今日本身約左人簽約…無去到（下刪二百字）」
Z：「咦？係喎！！（聽完理由）你咁樣的決定係OK 喎…」
W：「唉，真係有D衰…」
Z：「好啦，為了彌補你的罪惡感，本小姐今晚同你去食飯～」
W：「你唔係唔得閒咩？」
Z：「我啱啱俾人放左飛機～」（收到email）
W：「咁大膽？邊個敢放你飛機？」
Z：「係囉，世上總會有D 衰人放人飛機嘛…」
（後記：結果是我不舒服所以真的放了飛機…XD）
＊　　　　＊　　　　＊　　　　＊　　　　＊　　　　＊
W：「尋日行行下衝埋條燈處到…做左柱男。」
Z：「十幾廿年前咁耐既事，你仲拎出黎講？」
W：「喂我已經好慘架啦！」
Z：「哦……咁……有人幫你碌雞蛋嘛？」
W：「好無聊呀你。」
Z：「見點啫，你要爛gag 咁唯有同你繼續爛架咋喎！」
W：「你應該問下我：你有冇事呀？咁丫嘛！」
Z：「哦，你－有－冇－事－呀？」（機械人Tone）